بتى فور روعة على ضمانتى

أنا عارف هاتقولوا هو فيه بعد العيد بتى فور؟؟

بس أنا بأحب البتى فور وباعمله في كل الأوقات وكمان مشغوليات العيد ماقدرتش منها أنى انزل الموضوع ولونه على الجهاز عندي من قبل العيد بيومين

هاكتب المقادير والطريقة وبعدين الصورعشان أريح دماغى

كسل بقى بعيد عنكم



المقادير:

750 جرام زبدة (تقريبا كيلو الاربع) ولو عايزاه مش ناعم أوى أوى يبقى كفاية نص كيلو

7 صفار بيض

فانيليا

2 كوب سكر بودرة

6 كوب دقيق (تقريبا واحد كيلو)

ذرة ملح

2 ملعقة صغيرة بيكنج باودر



الطريقة:

**يخفق السكر مع الزبدة اللينة (في درجة حرارة الغرفة مش من الثلاجة مباشرة) جيدا حتى يصبح هش وكريمي

**يضاف صفار البيض والفانيليا ويخفق حتى يصبح هش

**يخلط الدقيق والبيكنج باودر والملح وينخل ويضاف تدريجيا مع التقليب (وليس العجن) حتى تصبح عجينة لينة جدا (إذا كنتى هتستخدمى ماكينة البتى فور أو كيس الحلواني) أو عجينة متماسكة قليلا (إذا كنتى هتقطعى بالقطاعات)

**تشكل بالقمع أو الماكينة (أنا شكلت كمية بالماكينة وكمية بالقطاعات وعملت بيها أشكال) وترص في صواني مدهونة دهن خفيف

**تخبز في فرن 175م لمدة 25 دقيقة حتى تصفر (لا نتركها تحمر) وتترك لتبرد تماما

**تلصق كل اثنتين بمربى أو شوكولاتة سايحة وتجمل بالفارماسيل أو المكسرات المجروشة أو جوز الهند المبشور (أنا أفضل تركها سادة)

ملحوظة:

المقدار كبير جدا أنا عملت نصف المقدار فقط طلع معايا 6 صواني




















[ندعوك للتسجيل في المنتدى أو التعريف بنفسك لمعاينة هذا الرابط]



[ندعوك للتسجيل في المنتدى أو التعريف بنفسك لمعاينة هذا الرابط]



[ندعوك للتسجيل في المنتدى أو التعريف بنفسك لمعاينة هذا الرابط]


بالف هنا وشفا