دجاج بالمشروم
المكونات:
دجاجه مسحبه من العظم ومقطعه الى قطع صغيره
2علبه مشروم
1بصله متوسطة الحجم مفرومه ناعم
5حبات توم مهروسه
6معالق طحين متوسطه الحجم
معلقة زيت
بهارات ماجي ملح
الطريقه:
اول شي بنحمي الزيت بطنجره وسط وبعد ما يصير سخن بنضيف عليه الدجاج بعد ما نكون غسلناه وحطينا عليه بهار
ونحرك فيه حتى ما يلزق بالطنجره ويصير يعطي لونه على ذهبي
بنضيف عليه البصل المفروم والتوم وبنحركهم كلهم مع بعضهم حتى يدبلو
بنضيف المشروم عليه بعد ما نكون صفيناه من الماء
وبنضل انحرك فيهم وبنضيف البهارات والماجي وكمان مع التحريك لحتى ما يدبلو منيح
بنضيف عليهم البهارات والماجي
بنضيف الطحين مع التحريك المستمر حتى تصير كل الخليط متجانس مع بعضه ويصير يسك ببعضه
بعد هيك بنضيف الماء بالتدريج لحتى ما تصير كتير ميه ولا تكون تقيله لما يكون كل الخليط متجانس يعني بكثافة الشوربه
وبنخايها على نار هاديه مع استمرار التحريك بين فتره والتانيه لحتى ما يغلي منيح وتستوي الاكله
مع اضافةالملحه ازا كان بحاجه
وبتقدم
الى جانبه الرز
وصحتين وعافيه